1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"İsmayıllıda doğuş zamanı körpə ölümü ilə bağlı yayılan məlumat həqiqəti əks etdirmir".
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib.
Məlumatda qeyd olunub ki, yanvarın 23-də İsmayıllı rayon sakini 29 yaşlı N.Həkimova hamiləliyin 39-cu həftəsində doğum sancıları ilə İsmayıllı Rayon Mərkəzi Xəstəxanasının Doğum və ginekologiya şöbəsinə müraciət edib:
"Doğuş zamanı çəkisi 4000 qram, boyu 52 santimetr olan oğlan uşağı dünyaya gəlib.
Doğuş zamanı və doğuşdan sonra uşağın səhhətində hər hansı bir problem qeydə alınmayıb. Lakin yanvarın 24-də yenidoğulmuşda gözlənilmədən klinik vəziyyətin ağırlaşması baş verib. Aparılan reanimasiya tədbirlərinə baxmayaraq, körpənin həyatını xilas etmək mümkün olmayıb".
Məhərrəm Əliyev
