“KƏPƏZ 2025” kubokunun sahibi bəlli oldu – VİDEO - FOTO

Azərbaycanın ikinci böyük şəhəri olan Gəncə şəhərində rəqs müsabiqəsi keçirilib. Müsabiqə "Azərbaycan Gənclər İttifaqı" İctimai Birliyi və "Azərbaycan Rəqs Asossasiyası"nın birgə təşkilatçılığı ilə yeni Gəncə Dövlət Milli Dram Teatrında təşkil olunub.

"KƏPƏZ" Rəqs Kuboku incəsənət müsabiqəsinə Bakı şəhərindən, Gəncə şəhərindən və Azərbaycanın digər bölgələrindən çox sayda iştirakçılar-rəqqaslar, rəqs kollektivləri qatılıb. Onlar müxtəlif yaş qruplarına uyğun olaraq Gimnastik rəqs, Showdance, Hip-hop, Modern, Klassik, Dünya xalqları rəqsi ,Folklor stilizasiya, Folklor Show kimi rəqs növləri üzrə çıxış ediblər.

Rəqqasların çıxışları peşəkar münsiflər tərəfindən meyarlara uyğun və ədalətli şəkildə qiymətləndirilib, Laureat sahibləri və qaliblər bəlli olub.

Mükafatlandırma mərasimindən əvvəl "Azərbaycan Rəqs Asossasiyası"nın prezidenti Əziz Əzizov öz çıxışında müsabiqənin əhəmiyyətindən bəhs edib: "Müsabiqənin təşkilində əsas məqsəd istedadlı uşaqlara və gənclərə dəstək göstərmək, onların səhnəyə çıxmaları və özlərini inkişaf etdirmələrinə şərait yaratmaqdan ibarətdir ". Eyni zamanda, bütün iştirakçılara, onların bədii rəhbərlərinə rəqs sənətini layiqincə təmsil edib yaşatdığına görə təşəkkürünü bildirib.

O qaliblərin mükafatını təqdim edib və bildirib: "Bütün qaliblərimizi təbrik edirəm! Onlara yeni qələbələr və nailiyyətlər arzu edirəm. Onlar bizim gələcəyimizdir və əminəm ki, ölkəmizi dünyanın hər yerində layiqincə təmsil edəcəklər".

"KƏPƏZ" kubokunun sahibi-GRAND PRİ mükafatına layiq görünlən isə müsabiqə daxilində ən çox fərqli rəqs növündə birincilik qazanmış komanda Bakı şəhərindən qatılmış Nigar Əliyevanın bədii rəhbərliyi altında fəaliyyət göstərən "Gracia" rəqs ansamblı oldu və qalib komanda "Azərbaycan Çempionlar Liqası"nda iştirak etməyə haqq qazandı.

Müsabiqədə z çıxışları ilə fərqlənib birincilik qazanan komandalar "Xəmsə", "Azərin", "Asiman" və "Yalkyn" rəqs kollektivləri oldu.

İnformasiya dəstəyi -  Trend.Az, Day.Az, Milli.Az, Azernews.Az

Məqaləyə dair fotomateriallar: