Azərbaycanda şəhər, qəsəbə və kənd bələdiyyə məclisi üzvlüyü üçün seçkilər keçirilir.
Müstəqillik əldə edildikdən sonra altıncı dəfə təşkil olunan bələdiyyə seçkilərində vətəndaşlar məclis üzvlərini müəyyən etmək üçün səsverməyə gedir. Yerli vaxtla saat 08:00-da başlayan səsvermədə 16 min 92 namizəd 685 bələdiyyənin 8 min 71 məclis üzvlüyü uğrunda mübarizə aparır.
5 milyon 961 min seçicinin iştirak edəcəyi seçkilərdə səsvermə yerli vaxtla saat 19:00-da başa çatacaq.
Azərbaycan Respublikasının qanunvericiliyinə əsasən, bələdiyyə seçkilərində əvvəlcə məclis üzvləri müəyyən edilir, daha sonra bu üzvlər öz aralarından bələdiyyə sədrini seçir.
