Aərbaycanda keçirilən bələdiyyə seçkilərində saat 12:00-dək olan seçici fəallığı açıqlanıb.
Moderator.az-ın məlumatına görə, Mərkəzi Seçki Komissiyası (MSK) Katibliyinin İnformasiya Mərkəzinin müdiri Fərid Orucov bildirib ki, seçici fəallığı bu saata qədər 17,11 faiz olub.
O bildirib ki, seçici siyahısında olan 5 milyon 961 min 987 nəfərdən bu ana qədər 1 milyon 202 min 31 nəfəri səs verib.
Qeyd edək ki, bələdiyyə seçkilərinə bu gün saat 08:00-da start verilib. Seçkilər saat 19:00-da başa çatacaq.
Bundan əlavə, MSK Katibliyinin İnformasiya Mərkəzi tərəfindən səsvermənin gedişi və nəticələri barədə saat 15.00, 17.00 və saat 19.00-da ilkin məlumatlar veriləcək.
Xatırladaq ki, saat 10:00-dək olan məlumata əsasən, seçici fəallığı 8.38 % (499575 nəfər) olub.
