Cənubi Koreyada Gimhae Hava Limanındakı bir sərnişin təyyarəsində baş verən yanğında yaralananların sayı 7-yə yüksəldi.
“Yonhap” agentliyinin xəbərinə görə, dünən Pusandakı hava limanından Honq Konqa gedəcək olan "Air Busan" təyyarəsinin quyruq hissəsində qalxış öncəsində yanğın baş verib. Səlahiyyətlilər yanğında yaralananların sayının 7-yə yüksəldiyini açıqlayıblar. Yaralıların 4-nün tüstüdən təsirlənən heyət üzvləri, 3-nün isə bel ağrısından şikayət edən sərnişinlər olduğu bildirildi.
Yanğınsöndürmə idarəsinin rəsmiləri qəza səbəbindən təyyarədə olan 169 sərnişin və 7 heyət üzvünün şişirdilən sürüşkənlərlə təxliyə edildiyini bildirmişdi.
Digər tərəfdən, Cənubi Koreyada dövlət başçısını əvəz edən Baş nazirin müavini və Maliyyə naziri Çoy Sanq Mok hadisənin araşdırılması göstərişini verib.
