Rusiya prezidenti Vladimir Putin Samara vilayətinin Tolyatti şəhərindəki “AvtoVAZ” zavoduna səfəri zamanı konsernin yeni məhsulu “Lada İskra” avtomobili ilə tanış olub.
Lent.az bildirir ki, “Lada İskra” yeni kompakt B sinif avtomobillər ailəsidir. Onların xəttinə sedan, universal və Cross versiyasında universal daxildir.
2024-cü il iyunun 5-də Sankt-Peterburq Beynəlxalq İqtisadi Forumu çərçivəsində “Lada İskra”nın dünya premyerası baş tutub. İstehsalın başlanması 2025-ci ilin birinci yarısına planlaşdırılıb.
Putinə müxtəlif kuzov və rənglərdə – qırmızı, ağ və göy rəngli avtomobil nümayiş etdirilib. Putin qırmızı sedanın qapısını açıb salona baxsa da, maşına minməyib.
Konseptual olaraq yeni model “Lada Granta” və “Lada Vesta” arasında yer tutacaq.
“Lada İskra”nın əsas konfiqurasiyasına iki ön təhlükəsizlik yastığı, ESC sabitliyə nəzarət sistemi, təkər təzyiqinin monitorinqi və ön elektrikli şüşələr kimi seçimlər daxil olacaq. Daha yüksək avadanlıq səviyyələri əlavə olaraq döngə işıqları olan duman işıqları, arxa elektrik şüşələri, “Yandex” onlayn xidmətləri ilə multimedia sistemi və “isti” seçimlərlə təchiz edilib.
Avtomobil yenidən dizayn edilərək, texnoloji cəhətdən müstəqil olan müasir qlobal platformada qurulub. Dizayn zamanı modelin elektron infrastrukturu tamamilə lokallaşdırılıb, reinjinirinqin bir hissəsi olaraq ümumilikdə 400-ə yaxın yeni hissə meydana çıxıb.
Modelin uzunluğu 4333 mm (Cross versiya üçün 4342 mm), eni – 1777 mm (Cross versiya üçün 1785 mm), damın hündürlüyü – 1517 mmdir (vaqon üçün 1507 mm və 1544 mm üçün). Modelin təkər bazası 2603 millimetrdir. Avtomobil mexaniki və avtomat sürətlər qutusunda istehsal olunacaq. Mühərrik gücü 1.6 litr olan yeni modellər 90 və 106 at gücünə sahib olacaq.
