1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ötən ilin mayında Parisdə ailə quran məşhur türkiyəli aktrisa Melisa Aslı Pamuk və futbolçu Yusuf Yazıcı cütlüyünün övladları dünyaya gəlib.
Oxu.Az-ın "Haber Global"a istinadən xəbərinə görə, bu barədə Yusuf Yazıcı sosial media hesabında paylaşım edib.
Futbol üzrə Türkiyə millisinin üzvü olan Yazıcı oğlunun 29 yanvarda - özünün ad günündə dünyaya gəldiyini qeyd edib.
"Ən gözəl doğum günü hədiyyəsi", - deyə o, paylaşıma şərh verib.
Aktrisa da onun paylaşımına ürək emojisi ilə reaksiya verib.
İlk dəfə valideyn olmaq sevincini yaşayan cütlük körpələrinin adını açıqlamayıb.
Xatırladaq ki, Melisa Aslı Pamuk "Miss Türkiyə 2011" müsabiqəsinin qalibi olub.
