Çinin Tibet bölgəsində səhər saatlarında baş verən zəlzələdə ilkin məlumatlara görə, 53 nəfər həyatını itirib.
Tibetin ikinci böyük şəhəri Şiqatsenin yaxınlığında 10 kilometr dərinlikdə qeydə alınan zəlzələdə 62 nəfər yaralanıb. Xüsusilə Tinqri rayonu və ətrafında böyük dağıntılar olub, təkanlar qonşu Hindistanın bəzi bölgələrində də hiss edilib.
Çin hava qüvvələri Everest dağının ətəklərində yerləşən və temperaturun donma həddindən xeyli aşağı olduğu bölgəyə xilasetmə işləri üçün helikopterlər və pilotsuz uçuş aparatları göndərib. Axtarış-xilasetmə işləri çətin hava şəraiti və dağlıq relyef səbəbindən çətinliklə davam edir. Bölgədə həm elektrik, həm də su təminatı kəsilib.
ABŞ Geoloji Araşdırmalar Mərkəzi (USGS) isə zəlzələnin böyüklüyünü 7,1 olaraq açıqlayıb.
