''Qalatasaray''dan gürcüstanlı futbolçuya görə rekord təklif

''Qalatasaray'' yanvarın 13-də açılacaq ''transfer pəncərəsi'' zamanı ilk növbədə hücumçu problemini həll etmək istəyir.

''Football-plus.az'' xəbər verir ki, ''Lion'' ilk təklifi geri çevirsə də, Türkiyə çempionu Jorj Mikautadzeyə görə fransızlara ikinci dəfə təklif göndərib. Elə ''Göztəpə''yə qarşı son matçın ardından da baş məşqçi Okan Buruk fərqli özəlliklərə malik forvard axtarışında olduqlarını etiraf etmişdi. ''Qalatasaray'' Gürcüstan yığmasının lideri üçün rekord təklif irəli sürüb. Belə ki, ''Lion''a 22 milyon avro təklif edilib!

Bundan başqa anlaşmaya müxtəlif şərtlərdən asılı olan 3 milyon avroluq bonus da daxil ediləcək. Xatırladaq ki, hazırda ''Qalatasaray'' tarixinin ən bahalı transferi ötən yay 18 milyon avroya alınan Qabriel Saradı. Yəni Mikautadze İstanbul nəhənginin tarixinin ən bahalı transferinə çevrilə bilər. Hələ ki, fransızların bu təklifə cavabı bəlli deyil. ''Lion'' ''Qalatasaray''ın ilk təklifini geri çevirərəkən və bu futbolçuya artan marağı nəzərə alaraq 30 milyon avro tələb etmişdi. ''Qalatasaray'' bu transferi tamamlaya bilsə, UEFA-ya göndərdiyi iştirak ərizəsində də dəyişiklik edərək Mikautadzenin adını ora əlavə edəcək.

ƏLİ

• Hücumçu
• Transfer Pəncərəsi
• Okan Buruk
• Forvard
• Qalatasaray
• Lion
• Jorj Mikautadzey