Danimarkanın baş naziri Mette Frederiksen Amerika Birləşmiş Ştatlarını ölkəsinin ən mühüm və ən yaxın müttəfiqi adlandırıb...
Poliqon xəbər verir ki, bəyanat Qrenlandiya ətrafında yaranan gərginlik fonunda verilib.
ABŞ-ın yeni seçilmiş prezidenti Donald Trampın yüksək səviyyəli mətbuat konfransından sonra TV 2-yə verdiyi müsahibəsində Frederiksen ABŞ-ın Qrenlandiya üzərində nəzarəti təmin etmək üçün hərbi və ya iqtisadi gücdən istifadə etmə ehtimalına inanmadığını deyib:
"Buna çatacağımızı təsəvvür etmək üçün kifayət qədər təsəvvürüm yoxdur".
Baş nazir amerikalıların Şimali Atlantikadakı vəziyyətlə maraqlanmasını alqışlayıb:
"ABŞ-ın çox yaxın müttəfiqi kimi mən hesab edirəm ki, Amerikanın artan marağını alqışlamaq üçün səbəblər var. Amma bu, Qrenlandiya xalqına hörmətlə edilməlidir. Eyni zamanda, bunu elə etmək lazımdır ki, Danimarka və ABŞ NATO-da əməkdaşlığı davam etdirə bilsin".
Frederiksen daha əvvəl jurnalistlərə demişdi ki, Qrenlandiya satılmır, lakin Danimarka oradakı Amerika investisiyalarını alqışlayır:
"Biz, məsələn, Rusiyanın deyil, ABŞ-ın bu regionda böyük rol oynamasında maraqlıyıq".
Poliqon.info
