Bakı, 8 yanvar, AZƏRTAC
Hindistanda 2024-cü il ərzində yol qəzalarında təxminən 180 min insan ölüb.
AZƏRTAC xəbər verir ki, bu barədə ölkənin Nəqliyyat və Avtomobil Yolları Nazirliyi məlumat yayıb. Bildirilib ki, ölkədə yol qəzalarında həlak olanların 66 faizi 18-34 yaş arasındadır.
Ölənlər arasında 10 minə yaxın məktəblinin olduğunu açıqlayan nəqliyyat naziri bu cür ölümlərin təhsil müəssisələri qarşısında avtomobillərin düzgün tənzimlənməməsi səbəbindən baş verdiyini söyləyib.
