"Aİ dəfələrlə hökumətimizə siyasi dəstək göstərib” - Mirzoyan

Sputnik Armeniya-nın yaydığı məlumata görə, iclasda bir sıra diqqət çəkən siyasi bəyanatlar da verilib.

Ermənistan Aİ yolunu seçir

Nəşr xatırladıb ki, “Ermənistan Respublikasının Avropa İttifaqına qoşulması prosesinin başlanması haqqında” qanun layihəsinin parlamentin müzakirəsinə çıxarılması məqsədi ilə imza toplanması prosesi bu ilin sentyabr-oktyabr aylarında həyata keçirilib: "Ötən il oktyabrın 25-də qərbyönlü siyasətçiləri və ictimai xadimləri birləşdirən təşəbbüs qrupu 60 min imza (qanunla nəzərdə tutulan 50 min əvəzinə) topladığını bəyan etmişdi.

İclasda çıxış edən Ermənistanın xarici işlər naziri Ararat Mirzoyan hökumətin qanun layihəsini dəstəkləməyi tövsiyə etdiyini vurğulayıb. Onun sözlərinə görə, bu qərar son illərdə Ermənistanla Avropa İttifaqı arasında münasibətlərin dinamik və intensiv inkişaf etməsinə əsaslanır.

Nazir həmçinin qeyd edib ki, Avropa İttifaqı “dəfələrlə Ermənistan hökumətinə siyasi dəstəyini ifadə edib” və həmçinin qurum “regionda təhlükəsizliyin təmin edilməsində” iştirak edib (Aİ-nin Ermənistanın Azərbaycanla sərhədindəki mülki müşahidəçi missiyasını nəzərdə tutur-red.).

Tural Tağıyev
AzVision.az