RU

Ağdam Sənaye Parkında istehsal edilən məhsullar Özbəkistan, Qazaxıstan və BƏƏ-yə ixrac edilir - FOTO

"“Bafco Invest” olaraq fəaliyyətə başladığımız ilk gündən etibarən istehsal etdiyimiz məhsulların müəyyən hissəsini ixrac etməyi hədəfləmişdik. Artıq fabrikin açılışından bir neçə ay keçməsinə baxmayaraq, məhsullarımızı Özbəkistan, Qazaxıstan və Birləşmiş Ərəb Əmirliklərinə ixrac edirik. Bu ilin noyabr ayında Almaniyada baş tutacaq böyük sərgiyə qeydiyyatdan keçmişik və orada iştirakımızı səbirsizliklə gözləyirik".

APA xəbər verir ki, bunu Ağdam Sənaye Parkında fəaliyyət göstərən “Bafco Invest” fabrikinin istehsal üzrə müavini Musa Alızadə deyib.

O qeyd edib ki, məhsulları beynəlxalq EN ISO 20345 və EN ISO 20347 sertifikatlarına malikdir ki, bu da məhsulların Avropa bazarına çıxışını təmin edir: “Hazırda bir sıra MDB və Avropa ölkələrinin şirkətləri ilə danışıqlar aparırıq, və artıq bir neçə ölkəyə məhsullarımızı göndərmişik. Avropada İspaniya, Çexiya və Almaniya bazarlarında məhsullarımıza böyük maraq müşahidə olunur.

Fabrikə 12 milyon manat sərmayə yatırılıb və istehsal prosesində Almaniyanın “Desma” avadanlıqlarından istifadə olunur. Hazırda istehsal gücümüz xüsusi təyinatlı ayaqqabılar üzrə ildə 360 min cüt, poliuretan çəkmələr üzrə isə 150 min cütdür. Fabrikimizdə çalışan 70 işçinin 50-si Ağdam və ətraf rayonlardan olan insanlardır. İki növbəli iş rejiminə keçmişik və 2025-ci ilin ortalarına qədər işçi sayını 100 nəfərə çatdırmağı planlaşdırırıq”.

Qeyd olunub ki, “Bafco Invest”in istehsal etdiyi uzunboğaz çəkmələr yüksək keyfiyyətli poliuretandan hazırlanıb və 100% suya davamlı, aşınmaya, çoxsaylı qatlamaya dözümlü teksturaya malikdir.

“Bafco Invest” xüsusi işçi ayaqqabıları isə üst hissəsi təbii dəridən, alt hissəsi ikiqat poliuretandan hazırlanıb. Müəyyən ayaqqabı modelləri ağır şəraitli işlər üçün xüsusi polad ucluq və polad altlıqlarla təchiz olunub, bu da ayaqları müxtəlif zərbələrdən və zədələrdən qoruyur.

"Mister Decor” şirkətinin direktor müavini, Ülvi Mahmudov isə deyib ki, şirkət növbəti ildə oboy istehsalının yarısını Gürcüstana edəcək:

"2024-cü ildə ilk ixracını Gürcüstana edib. 2025-ci ildə oboy istehsalının 30, 2026-cı ildə isə 50 faizinin Gürcüstana ixrac etməyi planlaşdırılır. Hazırda oboy ixracı barədə Qazaxıstan, Türkmənistan və Özbəkistan ilə danışıqlar gedir. Zavodda gündəlik 2500-3000 rulon oboy istehsal olunur və 30 nəfər işləyir. Onlardan əksəriyyəti yerli əhalidir və 6 nəfər xarici mütəxəssis var. İkinci avadanlıq alınıb və gəlməyi gözlənilir. Mart ayında qurulması planlaşdırılır bununla da işçi heyəti 70 nəfərə, illik rulon istehsalı isə 2 milyona çatdırılacaq”.

Onun sözlərinə görə, yeni “SPS” laminat zavodunun inşası da planlaşdırılır:

“Tikinti işlərinin 80 faizi yekunlaşıb və avadanlıqların gətirilməsi barədə işlər gedir”.

Ü.Mahmudov Qarabağda gedən təmir-bərpa işlərində "Mister Decor” divar kağızlarının istifadə olunduğunu vurğulayıb.

“EEL electronics” şirkətinin texniki direktoru Ruslan Şixəliyev jurnalistlərə açıqlamasında deyib ki, Azərbaycanda ilk dəfə olaraq elektromobillərin şarj cihazlarının istehsalına başlanacaq.

Onun sözlərinə görə, şirkətin məhsulları Qarabağ bölgəsində təmir-bərpa işlərində istifadə olunur:

“Şirkətimiz 2022-ci ildə Ağdam Sənaye Parkının rezidenti olub. İstehsala isə 2024-cü ilin sentyabr ayında başlamışıq. İstehsal sahəsinin birinci mərhələsində 0-4 kVt idarəetmə panelləri, 6,10,35 kVt elektrik yuvaları istehsal olunur. Hazırda 45 nəfərə yaxın yerli əhalini işlə təmin etmişik. İkinci mərhələdə beton kompleks transformator məntəqələrinin beton köşk şəklində istehsalı nəzərdə tutulub. Bu mərhələdə yerli əhalidən 70-80 nəfəri işlə təmin etməyi planlaşdırırıq”.

R.Şixəliyev yaxın zamanda məhsulların xarici şirkətlərə ixrac olunacağını da diqqətə çatdırıb.

Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam Ağdam
Избранный
7
4
apa.az

6Источники