“Qarabağ”ın futbolçusu Yassin Benzianın “Kəpəz”lə yoxlama oyununda iştirak etməməsinin səbəbi bəlli olub.
Msport.az xəbər verir ki, əlcəzairli yarımmüdafiəçi hələ Ağdam klubunun təlim-məşq toplanışına qatılmayıb.
Bu barədə komandanın baş məşqçisi Qurban Qurbanov məlumat verib. Təcrübəli mütəxəssis “Kəpəz”lə oyundan (5:1) sonra bildirib ki, Benzia anasının səhhəti ilə əlaqədar Bakıya dönməyib: “Anası ağır vəziyyətdədi. Qayıtmamağı bununla bağlıdı. Xəbər göndərdi və biz də hələlik anasının yanında qalmasına razılıq verdik. Nə vaxt geri dönəcəyi hələ bəlli deyil”.
Benzia 2023-cü ilin yayından “Qarabağ”ın uğurları üçün çalışır.
