Los-Anceles dairəsinin polisi Los-Ancelesin qərbində Kennett yanğınına səbəb olmaqda şübhəli bilinən şəxsi həbs edib."NewsNation"ın hüquq-mühafizə orqanlarına istinadən verdiyi xəbərə görə, Los-Anceles Polis Departamenti faktı təsdiqləyib.Telekanal yerli sakinlərin şübhəlinin saxlanmasına kömək etdiyini vurğulayıb. Rayon prokuroru Nathan Hochmanın sözlərinə görə, suçlama təsdiqini taparsa, o, ömürlük həbs cəzası ala bilər.Los-Ancelesdə yanğınlar hələ də davam edir. Hazırda 10 min hektardan çox ərazi yanır, yanğın 13 minə yaxın binanın təhlükəsizliyini təhdid edir. Vəziyyəti təyyarələrin işləməsinə mane olan güclü küləklər daha da pisləşdirir və Palisades ərazisində yanğın hidrantları işləmir.Ən azı on nəfər bu fəlakətin qurbanı olub.
