Qarışıq döyüş növləri üzrə döyüşçü Ceff Monson 2025-ci ildə kiçik Həcc ziyarətini (Ümrə) yerinə yetirmək üçün Səudiyyə Ərəbistanına getməyi planlaşdırır.
Publika.az xəbər verir ki, bu barədə “RİA Novosti”yə Monsonun həyat yoldaşı Yekaterina məlumat verib.
“Bəlkə mart, aprel və ya hətta mayın əvvəlində səfərə gedəcək. Bu, turoperatordan asılıdır”, – MMA döyüşçünün həyat yoldaşı deyib.
O, əri ilə toylarını qeyd etməzdən əvvəl Məkkə və Mədinəyə getməyə hazırlaşdığını vurğulayıb. May ayında Ufada yaddaqalan gün keçirməyi də planlaşdırırlar.
