“Liverpul”un keçmiş baş məşqçsi, alman mütəxəssis Yurgen Klopp futbol tarixinin ən yaxşı üç oyunçusunun adını açıqlayıb.
Arena.az “Give me Sport” dərgisinə istinadən, Klopun bu barədə qənaətini təqdim edir:
“Mənim üçün tarixin ən yaxşı futbolçuları Lionel Messi, Dieqo Maradona və Peledir”, deyə alman mütəxəssis vurğulayıb.
Xatırldaq ki, hazırda Klopp məşqçilik fəaliyyəti ilə məşğul olmur. Alman mütəxəssis cari ildən “Red Bull” şirkətində futbol əməliyyatları üzrə dünyəvi rəhbəri vəzifəsində çalışır. O, “Leypsiq”, “Zalsburq”, “Nyu-York” klublarının, həmçinin Braziliya və Yaponiyadakı iki klubun inkişaf strategiyasına cavabdehdir.
Klopun Almaniya yığmasının baş məşqçisi vəzifəsinə dəvət ediləcəyi təqdirdə, alman mütəxəssisin öz müqaviləsinə xitam vermək hüququna malik olduğu da nəzərdə tutulub.
Yurgen Klopp daha öncə “Liverpul”da, Dortmund “Borussiya”sında və “Maynts”da, həmçinin Frankfurt “Ayntraxt”ının gənclərdən ibarət komandasında baş məşqçi olub.
