Diqqətçəkən bilgilərdən biri də ESPN-ə məxsusdu. Bu saytın iddiasına inansaq, tərəflər arasındakı razılıq "Flamenqo"nun "köhlən atlar"a ikinci təklifindən sonra mümkün olub. Beləliklə, Braziliya klubu hücumçu üçün ağdamlılara 5 milyon avro ödəyəcək.
Hücumçunun həmvətəni - ünlü insayder Vene Kesaqrande də bu informasiyanı təsdiqləyib. Bəs qeyd olunanlar nə dərəcədə doğrudu?
Bu sualla menecer Tural Əsgərliyə müraciət etdik. Onun "Football-plus.az"a cavabı:
"Məsələ Braziliya mətbuatında yazıldığı kimi deyil. Anlaşma tamamlanmayıb. Onu deyə bilərəm ki, klublar arasında prinsipial razılıq var. Bəzi kiçik detallara aydınlıq gəlməlidi. Həmin məqamlar konkretləşdiyi halda Juninyo Braziliyaya yollanacaq".
KƏNAN BAHADIR
