Bu gün Azərbaycan Basketbol Liqasında (ABL) 2024/2025-ci illər mövsümünün 10-cu turunun növbəti oyunları keçirilib.
Arena.az xəbər verir ki, üçüncü oyun günündə üç qarşılaşma baş tutub
“Sərhədçi” A qrupunun autsayderi NTD-ni sınağa çəkib. Oyunda sensasiya qeydə alınmayıb. “Sərhədçi” 14 top fərqilə qalib gəlib.
Digər görüşlər B qrupunda oynanılıb. “Lənkəran” öz meydanında “Şəki”yə uduzub. “Ordu” isə “Quba”ya heç bir şans verməyib.
10-cu tura sabah Gəncə İdman Sarayında oynanılacaq B qrupunun “Gəncə” – “Sumqayıt” matçı ilə yekun vurulacaq. Turun daha əvvəl keçirilmiş görüşlərində “Neftçi” “Abşeron”u 84:76, “Naxçıvan” “Sabahı” 80:75 hesabıyla üstələmişdi.
Azərbaycan Basketbol Liqası
10-cu tur
11 dekabr
A qrupu
“Sərhədçi” – NTD 78:64 (21:15, 14:15, 19:21, 24:13)
Sərhədçi İdman Mərkəzi.
Xallar: Sabah – 18. Naxçıvan – 16. Sərhədçi – 143. Neftçi – 13. Abşeron – 13. NTD – 10.
B qrupu
“Lənkəran” – “Şəki” 82:111 (24:27, 13:27, 20:32, 25:25)
Lənkəran Olimpiya İdman Kompleksi.
“Ordu” – “Quba” 81:74 (19:17, 24:16, 12:25, 26:16)
Sərhədçi İdman Mərkəzi.
Xallar: Ordu – 17. Şəki – 16. Gəncə – 14. Lənkəran – 12. Quba – 11. Sumqayıt – 10.
Qeyd edək ki, cari mövsümün reqlamentə əsasən, çempionatın oyunları dörd dövrəli 20 turdan ibarət sistem üzrə keçiriləcək. Müntəzəm mövsümdə A qrupunu ilk 3 sırada tamamlamış klublarla B qrupunu lider bitirmiş komanda pley-offun 1/4 final mərhələsinə vəsiqə qazanacaqlar. A və B qruplarında digər yerləri tutmuş komandalar isə pley-offun 1/8 final mərhələsində üz-üzə gələcəklər. 1/8 finalda ən tez iki qələbə qazanmış klublar 1/4 finala vəsiqə qazanacaqlar. Həm 1/4 final, həm də yarımfinal seriyaları 2 qələbəyə qədər davam edəcək. Final seriyasında isə ən tez 4 qələbə qazanmış komanda Azərbaycan Basketbol Liqasının çempionu olacaq.
Klubların pley-off mərhələsində göstərdikləri uğurlu və ya uğursuz nəticələrə əsasən, növbəti mövsümdən hansı klubların A qrupunda, hansı klubların isə B qrupunda iştirak edəcəyi müəyyənləşəcək.
