Bakıda “Qarabağ” və Rumıniyanın FCSB komandaları arasında keçiriləcək UEFA Avropa Liqasının oyunu üçün biletlər bu gün satışa çıxarılacaq.
Msport.az xəbər verir ki, bu barədə Azərbaycan çempionunun mətbuat xidməti məlumat yayıb.
Azarkeşlər sözügedən matç üçün biletləri bu gün saat 12:00-dan etibarən əldə edə biləcəklər. Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir. VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən fanatlar üçün biletlərin qiyməti isə 300 manatdır.
Qeyd edək ki, yanvarın 23-də baş tutacaq qarşılaşma saat 21:45-də start götürəcək.
