Bollivudun ən məşhur aktyorlarından biri, “Bollivud kralı” və “Romantika kralı” kimi tanınan Şahrux Xan bu gün də kino sənayesində fəaliyyət göstərir. Hindistanda doğulub böyüyən, lakin atası milliyyətcə iranlı olan aktyor bu gün 59 yaşı olsa da, xarizmasını itirməyib.
Hafta.az-ın yazdığına görə, Şahrux Xan bir vaxtlar böyük idmanla məşğul olmaq istəsə də, sonda aktyorluq sevgisi qalib gəlib. Atası Mirtac Məhəmməd iranlı, azadlıq hərəkatının iştirakçısı, anası Lətif Fatimə isə cəmiyyətdə hörmət qazanmış qadın olub. Şahruxun cəmi 16 yaşı olanda atası vəfat etsə də, anası ona hər cür dəstək olub. Təəssüf ki, anası da zəhərlənmədən erkən dünyasını dəyişib və oğlunun çəkildiyi bircə filmə belə baxa bilməyib.
Şahrux Xanın aktyorluq karyerası dərhal baş rolla başlayıb. Onun “Oğurlanmamış gəlin” filmi bütün Hindistanda məşhurlaşdı. Tezliklə özünü televiziyada sınadı və beynəlxalq layihələrdə çəkiliş təklifləri almağa başladı.
“Om Shanti Om”, “My Name is Khan”, “The Transient World”, “The Pleasure of Love”, “Veer Va Zara”, “Disco Dancer”, “Devdas” və başqa filmlər Xanı Bollivudda əsas ulduza çevirib.
Hər bir qız Şahruxa vurğun olsa da, aktyor həyatda sadiq və əsl ailə adamıdır. Xan gələcək arvadı Qauri Çibberlə ilk dəfə 1984-cü ildə, 18 yaşında olarkən, dostunun evində məclisdə tanış olub.
Onlar fərqli millətlərin və dinlərin nümayəndələri olduqları üçün bir çox çətinlikləri dəf etməli olublar. Buna baxmayaraq, cütlük hələ də birlikdə xoşbəxt yaşayır. Şahrux Xan və Qauri üç uşaq böyüdürlər: oğulları Aryan və Abram, qızları Suhana. Cütlüyün bir-birinə sevgisi, sədaqəti, etibarı təkcə kino dünyasında deyil, ondan kənarda da bütün ailələrə nümunə ola bilər.
Həm həyatda, həm də işdə fədakarlığı və zəhmətkeşliyi ilə tanınan Şahrux Xanın 59 yaşı var, lakin o, hələ də cavan aktyorlarla rəqabət aparmaq üçün gözəl görünüşünü və gözəl fiziki formasını qoruyub saxlayır…
