Tacikistan 2025-ci il martın 2-də keçiriləcək parlament seçkilərini müşahidə etmək üçün 26 ölkəyə və beynəlxalq təşkilatlara dəvət göndərib.
Bakıvaxtı.az yerli KİV-ə istinadən xəbər verir ki, bunu ölkənin Seçki və Referendum üzrə Mərkəzi Komissiyasının üzvü Məxfirət Xidirzoda bildirib.
Onun sözlərinə görə, ölkədə "Xalq deputatlarının seçkisi - 2025" mobil tətbiqi yaradılıb və fəaliyyət göstərir.
Bundan əlavə, Seçki və Referendum üzrə Mərkəzi Komissiya hələ 2024-cü ilin dekabrında vahid ümumrespublika seçki dairəsi və birmandatlı dairə komissiyaları yaradıb, həmçinin parlament seçkiləri üçün 41 birmandatlı seçki dairəsi formalaşdırıb.
