Basketbol üzrə FIBA Çempionlar Liqasında Türkiyənin "Aliağa Petkim Spor" və İsrailin "Hapoel" (Holon) klubları arasında pley-in seriyasının üçüncü oyunu Bakıda keçiriləcək.
Fanat.Az xəbər verir ki, bu barədə Azərbaycan Basketbol Federasiyasının mətbuat xidməti məlumat yayıb.
Komandalar arasında həlledici qarşılaşma yanvarın 22-də Bakı İdman Sarayında təşkil olunacaq.
Qeyd edək ki, yanvarın 7-də ölkəmizdə baş tutan matçda "Aliağa Petkim Spor" rəqibini 82:81 hesabı ilə məğlub edərək seriyada önə keçib. Yanvarın 14-də isə "Hapoel"in qələbəsi qeydə alınıb - 65:62.
