“Flamenqo” Juninyonu ala bilmək üçün görün hansı yola əl atıb... – gözlənilməz addım

Juninyonun “Qarabağ”dan “Flamenqo”ya keçdiiylə bağlı bəzi detallara aydınlıq gəlib.

“Football-plus.az” Braziliya mediasına istinadla xəbər verir ki, “qırmızı-qaralar” 28 yaşlı hücumçunu heyətinə qata bilmək üçün gözlənilməz addım atıb.

Nəşrin iddiasına görə, “Flamenqo” Juninyo ilə hələ dekabrın əvvəllərində danışıq aparıb, amma maliyyə məsələsində anlaşa bilmədiyindən razılıq əldə olunmayıb. Prosesin davam etdiyi müddətdə ortaya çıxan problem isə klubu alternativ yol tapmağa vadar edib.

Söhbət İspaniya “Sevilya”sından gedir ki, La Liqa təmsilçisi oyunçu üçün daha yaxşı maliyyə şərtləriylə çıxış edib. Belədə “Flaminqo” futbolçusu Fabritsio Brunonu “Kruzeyro”ya satıb. Özü də 7 milyon avroya! Nəticədə əldə edilən gəlir sayəsində “Sevilya”nın təklifini kölgədə qoyan məbləğ vəd edən braziliyalılar Juninyonun qəlbini “oğurlaya bilib”.

KƏNAN BAHADIR

• Qarabağ
• Hücumçu
• Razılıq
• Flamenqo
• Juninyon
• Maliyyə Məsələsi
• Braziliya Mediası