Dron dünyasının aparıcı şirkəti "DJI" yeni modeli olan "Flip"i rəsmi olaraq təqdim edib.
Kompakt dizayna malik olan bu drone, yüksək səviyyəli daşınma rahatlığı ilə istehlakçıların diqqətini cəlb edəcək kimi görünür.
Fərqli dizayn və yüksək funksionallıq
"DJI" tərəfindən keçirilən tədbirdə təqdim edilən "Flip" həm xüsusiyyətləri, həm də portativ quruluşu ilə seçilir. Ənənəvi drone modellərindən çox fərqlənən "DJI Flip" qatlanabilən dizayna malikdir. Bu, daşınma rahatlığını maksimum səviyyəyə çatdırır. Lakin bu, cihazın funksionallıq baxımından zəif olduğu anlamına gəlmir. 1/1.3 düym ölçülü sensor və inteqrasiya edilmiş gimbal sayəsində "Flip" 2.7K keyfiyyətli videolar çəkmək imkanı yaradır. Həmçinin HDR dəstəyi ilə 4K 60 fps video çəkilişi də təmin edilir.
249 qram ağırlıqda yüngül və ağıllı funksiyalar
Cəmi 249 qram ağırlığa sahib olan bu drone, bir sıra təsir edici xüsusiyyətlərlə təchiz edilib. Məsələn, "DJI Flip"də əvvəlcədən təyin edilmiş uçuş rejimləri mövcuddur ki, bu da idarəetmə pultundan istifadə etmədən avtomatik uçuşa imkan verir. İdarəetmə pultu istəyən istifadəçilər isə "DJI RC2" və ya "RC-N3" modellərindən yararlana bilərlər. Bundan əlavə, "ActiveTrack", "Spotlight" və "Point of Interest" kimi qabaqcıl texnologiyaları dəstəkləyən cihaz obyektlərin avtomatik izlənməsinə imkan verir. Drone üzərindəki "LiDAR" sensoru isə ətrafdakı maneələrdən yayınmağa kömək edir.
30 dəqiqəlik istifadə müddəti və opsional "Fly More" dəsti
"DJI"ın verdiyi məlumata görə, "Flip" 3.110 mAh tutumlu bir batareya ilə təchiz edilib və bu batareya cihazın yarım saata qədər fasiləsiz işləməsinə imkan verəcək. Bundan əlavə, uçuş müddətini 70 dəqiqəyə qədər artıran "Fly More" dəsti də seçim olaraq təqdim ediləcək.
Qiymət və mövcud seçimlər
"DJI Flip"i əldə etmək istəyən istehlakçılar üçün müxtəlif seçimlər təqdim edilib:
"RC-N3" idarəetmə pultu ilə: 440 dollar
"RC2" idarəetmə pultu ilə: 640 dollar
"Fly More" dəstini də əhatə edən "RC2" idarəetmə pultlu versiya: 780 dollar
Bu yeni model, həm texnoloji yenilikləri, həm də kompakt dizaynı ilə drone həvəskarlarını məmnun etməyə hazırdır.
Əvəz Həsənov / Valyuta.az / SƏHƏR OXUSU
