"Real" "Bayern"in müdafiəçisi Alfonso Deyvslə anlaşıb.
Publika.az xəbər verir ki, 24 yaşlı futbolçu mövsümün sonunda azad agent kimi Madrid klubuna keçəcək. Bu barədə "Marca" məlumat yayıb.
Kanadalı cinah müdafiəçisinin Münhen təmsilçisi ilə müqaviləsinin müddəti iyunun 30-da başa çatacaq. Sözləşmənin bitməsinə 6 aydan az vaxt qaldığından, qaydalara uyğun olaraq danışıqlar baş tutub. Nəticədə tərəflər şəxsi müqavilənin şərtləri ilə bağlı razılığa gəliblər.
Qeyd edək ki, Alfonso cari mövsüm bütün turnirlərdə 23 oyunda 1 qol və 3 məhsuldar ötürmə ilə yadda qalıb.
