Bakı, 16 yanvar, AZƏRTAC
Bakıda Türk Dövlətləri Təşkilatı (TDT) Gömrük Xidməti Rəhbərlərinin 10-cu iclası keçirilir.
AZƏRTAC xəbər verir ki, Azərbaycan, Türkiyə, Qazaxıstan, Özbəkistan və Qırğız gömrük xidmətləri rəhbərlərinin qatıldığı iclasda BMT-nin, Beynəlxalq Avtomobil Nəqliyyatı İttifaqının, Gürcüstan və Macartıstan gömrük xidmətlərinin nümayəndələri də iştirak edirlər.
Tədbirin ilk günündə, həmçinin gömrük administrasiyalarının ekspertlərinin görüşü keçirilir, iclasın gündəliyindəki məsələlərlə bağlı müzakirələr aparılır.
