Ədalət Partiyasının sədri İlyas İsmayılovun hazırda Mərkəzi Klinikada müalicəsi davam edir. Reanimasiya şöbəsindən palataya köçürülüb. Vəziyyəti stabil olaraq qalır.
Bu sözləri Teleqraf.com-a açıqlamasında Mərkəzi Klinikadan deyiblər.
“Öz xəstəliyinə və diaqnozlarına uyğun müalicə alır. Vəziyyət hələki tənzimlənir”, - deyə məlumatda bildirilib.
Qeyd edək ki, insult keçirdiyinə görə, Mərkəzi Klinikanın reanimasiya şöbəsinə yerləşdirilən sabiq baş prokuror İlyas İsmayılov bir aya yaxındır həkim nəzarətindədir.
İsmayılov İlyas Abbas oğlu 1938-ci il martın 20-də Tovuz rayonunda anadan olub. 1985-1990-cı illərdə Respublika prokuroru, 1992-1995-ci illərdə isə ədliyyə naziri kimi fəaliyyət göstərib. Milli Məclisin III və IV çağırış deputatı olub.
İlyas İsmayılov 2001-ci ildən Ədalət Partiyasına sədrlik edir.
