Bakı, 16 yanvar, AZƏRTAC
Kişi voleybolçular arasında Yüksək Liqada VI turun oyun proqramı bəlli olub.
AZƏRTAC xəbər verir ki,tura yanvarın 17-də MOİK - “Murov Az Terminal” və “Azərreyl” – “Neftçi” matçları ilə start veriləcək. Hər iki görüş Gənclər və İdman Nazirliyinin Voleybol Mərkəzində keçiriləcək. Qarşılaşmalar müvafiq olaraq, saat 16:00 və 18:00-da başlayacaq.
Tura isə yanvarın 18-də “Xilasedici” və “Gənclər” (Sumqayıt) komandalarının oyunu ilə yekun vurulacaq. Saat 16:00-da start götürəcək matç Fövqəladə Hallar Nazirliyinin idman zalında reallaşacaq.
