Bakı, TurkicWorld
2025-ci il yanvarın 20-də yenidən birinci xanım olmağa hazırlaşan Melaniya Tramp, çıxışlarında diqqətçəkən açıqlamalar verib.
TurkicWorld xəbər verir ki , Melaniya Tramp, ikinci dövründə daha aktiv bir rol oynamağı planlaşdırdığını vurğulayıb.
Melaniya Trampın sözlərinə görə, onun birinci xanım kimi ilk dövrünün çoxu 11 yaşında olan oğlu Barronu böyütməklə keçib. Hazırda 18 yaşında olan Barron Tramp Nyu York Universitetində təhsil alır.
Melaniya Tramp, öz ideyası olan 40 milyon dollarlıq sənədli film haqqında da məlumat paylaşıb. Filmdə onun Ağ Evdə olan ikinci dövrü və gündəlik həyatı əks olunacaq.
Birinci xanım prezidentliyin ilk dövründə başlatdığı “Be Best” kampaniyasını yenidən aktiv etməyi planlaşdırır. Bu kampaniya uşaqları sosial media istifadəsi və psixi sağlamlıq sahəsində maarifləndirməyə fokuslanıb.
Prezident Donald Trampın prezidentliyi dövründə bəzi fikirləri və addımları ilə razılaşmadığını vurğulayan Melaniya Tramp, öz fürsətləri və prinsipial yanaşması ilə birinci xanım olmağın daha mühüm olduğunu qeyd edib.
