Yanvarın 20-dən 24-dək İsveçrənin Davos şəhərində gerçəkləşəcək Dünya İqtisadi Forumunda 60-dək dövlət və hökumət başçısının iştirakı gözlənilir.
Teleqraf.com xəbər verir ki, bu barədə məlumat Forumun rəsmi saytında yerləşdirilib.
Forumdaiştirak edəcək liderlərin siyahısında Azərbaycan Prezidenti İlham Əliyevin də adı var. Həmçinin ABŞ-nin yeni seçilmiş prezidenti Donald Trampın bu beynəlxalq tədbirə onlayn şəkildə qoşulacağı qeyd olunur.
Bundan başqa, Forumda Ermənistanın Baş naziri Nikol Paşinyan, Avropa Komissiyasının Prezidenti Ursula Fon der Lyayen, İsrail Prezidentiİsaak Hersoq, Polşa Prezidenti Andjey Duda, Ukrayna Prezidenti Volodemir Zelenski və digərinin də iştirakı nəzərdə tutulur.
Müəllif: Məlik Məlikov
