Los-Ancelesdə 7 yanvarda başlayan yanğınlar davam edir.
Musavat.com xəbər verir ki, dəhşətli yanğınlarda ən azı 25 nəfərin həyatını itirdiyi bildirilir.
Bölgədən gələn son görüntülər isə faciənin miqyasını bir daha göz önünə sərdi. Axtarış-xilasetmə qrupları evlərin dağıldığı Sakit okean sahili boyunca insan qalıqlarını axtarır.
Təxminən 40 min hektardan çox ərazi kül olub, 12 mindən çox tikili zədələnib və ya yararsız hala düşüb.
Yanğınların səbəb olduğu ümumi zərərin 250-275 milyard dollar arasında olacağı təxmin edilir.
Digər tərəfdən, yanğınların söndürülməsində su çatışmazlığı problemi yaranıb. Bu isə yerli sakinlərin narazılığına səbəb olub.
Los-Anceles Rayon Yanğınsöndürmə rəhbəri bildirib ki, 29 yanğınsöndürmə qurumu bu cür genişmiqyaslı bir fəlakətə hazır deyil.
Musavat.com
