Ukrayna prezidenti Vladimir Zelenskinin həyat yoldaşı Yelena Zelenskaya İsveçrənin Sankt-Morits şəhərindəki xizək kurortunda istirahət edir.
News24.az xəbər verir ki, bunu Ali Radanın keçmiş deputatı İqor Mosiyçuk “Telegram” kanalında bildirib.
“Birinci xanım tətil üçün Sent-Moritsə uçub”, - deyə o qeyd edib.
Mosiyçuk həmçinin Zelenskinin həyat yoldaşının yerli hava limanında bir qrup insanın arasında göründüyü iddia edilən bir video yayımlayıb.
“Strana.ua” nəşri öz “Telegram” kanalında qeyd edib ki, Ukrayna hakimiyyəti Zelenskayanın İsveçrədə istirahət etməsi ilə bağlı məlumatı həqiqətə uyğun olmayan adlandırıb.
Öz növbəsində Mosiyçuk prezidentin həyat yoldaşının hansı oteldə qalması barədə məlumat dərc edəcəyinə söz verib.
Qeyd edək ki, ötən il Zelenskaya psixoloji cəhətdən tükəndiyini açıqlayıb. Ukrayna prezidentinin həyat yoldaşının sözlərinə görə, son vaxtlar o, qızı Aleksandra və oğlu Kirill, “həmçinin ukraynalılar” naminə soyuqqanlılığı qorumaq üçün təzyiqlərə məruz qalıb.
Bundan əlavə, Zelenskaya əri ilə Nyu-Yorka uçub və yerli Ukrayna muzeyində modernist və avanqard rəssamların sərgisinə baş çəkib. O xatırladıb ki, Rusiya-Ukrayna münaqişəsi başlayandan sonra dünya muzeyləri rəssamlar Kuinci, Ayvazovski və Maleviçi rus deyil, ukraynalı adlandırmağa başlayıblar.
Zelenskaya bildirib ki, sərgidə təqdim olunan əsərlər rus və ya sovet rəssamlarına deyil, Ukraynaya məxsusdur.
Aynurə
