İsrail Qəzzada atəşkəs razılaşmasının 1-ci mərhələsində HƏMAS tərəfindən azad edilməsi gözlənilən 33 girovdan neçəsinin sağ olduğunu bilmir.
Herbiand.az bildirir ki, bu barədə “The Wall Street Journal” İsrail rəsmilərinə istinadən məlumat yayıb.
Onların sözlərinə görə, bu o deməkdir ki, yəhudi dövləti hələlik neçə fələstinlinin həbsdən azad ediləcəyini dəqiq deyə bilməz. Çünki HƏMAS ölülərdən daha çox, canlı girovlar müqabilində insan tələb edir.
Qəzet qeyd edir ki, girovların azad edilməsi ən azı bir neçə həftə çəkəcək. İsrail xəstəxanaları və tibb qrupları artıq insanları qəbul etməyə hazırlaşır. Həkimlər girovların çoxunun ağır vəziyyətdə olacağını gözləyirlər.
Bəxtiyar CƏFƏRLİ
