Dünya Bankı 2025-ci ildə Türkiyənin zəlzələ bölgəsinə əlavə olaraq 1 milyard ABŞ dolları maliyyə vəsaiti ayıracaq.
Teleqraf.com Anadolu Agentliyinə istinadən xəbər verir ki, bununla da bankın ölkənin cənub-şərqindəki təsirlərə məruz qalmış regiona ayırdığı ümumi məbləğ 4 milyard dollara çatacaq.
Dünya Bankının Türkiyə üzrədirektoru Humberto Lopez İstanbulda keçirilən son görüşdə infrastruktur layihələri vasitəsilə bir çox ölkəni qarşılıqlı şəkildə birləşdirmək potensialına malik olduğunu vurğulayıb. Bu layihələr arasında Orta Dəhliz, İnkişaf Yolu və Bosfor boğazı üzərindən keçən Yavuz Sultan Səlim körpüsündəki dəmir yolu layihəsi yer alır.
Lopez qeyd edib ki, bankın Türkiyənin elektrikləşdirilmiş dəmir yollarını genişləndirmək səylərinə verdiyi 660 milyon dollarlıq maliyyələşdirmə təkcə karbon emissiyalarını azaltmaq deyil, həm də şərqlə qərb arasında nəqliyyat xərclərini aşağı salmaq məqsədi daşıyır.
Beynəlxalq Maliyyə Korporasiyasında (IFC) Türkiyə və Mərkəzi Asiya üzrə direktor Viebke Şloemer həmin görüşdə bildirib ki, IFC zəlzələdən təsirlənmiş bölgənin özəl sektoruna diqqət yetirir. O, ölkənin strateji coğrafi mövqeyi və gənc işçi qüvvəsi sayəsində özəl sektorun yüksək uyğunlaşma və istehsal qabiliyyətinə malik olduğunu qeyd edib.
Şloemer bildirib ki, Türkiyə iqtisadiyyatında sabitləşdirmə səyləri son 18-19 ay ərzində nəticə verməyə başlayıb və bu, kredit reytinqinin aşağı salınmasının yavaşlamasında özünü göstərir. Bu, həm beynəlxalq, həm də yerli investorlar üçün müsbət göstəricidir.
O qeyd edib ki, Türkiyə dünyanın aparıcı və inkişaf edən ölkələrindən biridir və iqtisadi potensialı və imkanlarına görə bir çox investorun diqqət mərkəzindədir.
