Belarus Prezidenti Aleksandr Lukaşenko Polşanın Belarusla müharibəyə hazırlaşdığı iddia edilən hərbi dəstələri tənqid edib.
Musavat.com-un məlumatına görə Lukaşenko bildirib ki, bu dəstələr təkcə Belarus üçün deyil, elə Polşa üçün də təhlükə yarada bilər:
“Buyurun, cəhd edin. Amma sonra inciməyin. Biz görürük ki, onlar hərbi dəstələr hazırlayırlar. Bu dəstələr Polşa ərazisindədir və o silahlar elə Polşaya qarşı da istifadə oluna bilər,” – deyə Belarus lideri vurğulayıb.
Lukaşenkonun bu açıqlaması, Belarus və Polşa arasındakı artan siyasi və hərbi gərginliyin fonunda verilib. O, həmçinin qeyd edib ki, Belarus vəziyyəti diqqətlə izləyir və istənilən təxribatın qarşısını almaq üçün tədbirlər görməyə hazırdır.
Musavat.com
