Türkiyə ilə Monqolustan hökumətləri arasında 11 saziş imzalanıb.
Axar.az xəbər verir ki, müqavilə Türkiyə Prezidenti Rəcəb Tayyib Ərdoğanla monqolustanlı həmkarı Uxnaaqiyn Xurelsuxun iştirakı ilə imzalanıb.
İki ölkə arasında strateji tərəfdaşlığın yaradılması, radio-televiziya, rəqabət siyasəti, nəqliyyat, səhiyyə, təhsil, gənclər və idman, mədən sənayesi, ətraf mühit və meşə təsərrüfatı sahələrində sazişlər imzalanıb.
Qeyd edək ki, ötən gün Monqolustan Prezidenti Uxnaaqiyn Xurelsux Türkiyədə rəsmi səfər edib.
