İspaniya kubokunda 1/8 final mərhələsinə yekun vurulub.

aia.az xəbər verir ki, son oyun günündə 3 matç keçirilib.

"Real Sosyedad" "Rayo Valyekano"ya, "Osasuna" "Atletik"ə qalib gəlib. "Real" isə "Selta"nı 5:2 hesabı ilə üstələyib. Əsas vaxtın sonunda hesab 2:2 olsa da, əlavə edilmiş 30 dəqiqə ərzində Madrid təmsilçisi 3 qol vurub.

Nəticədə "Real Sosyedad", "Osasuna" və "Real" 1/4 finala adlayıblar.

1/4 finalda sözügedən komandalarla yanaşı, "Atletiko", "Barselona", "Xetafe", "Leqanes" və "Valensiya" da mübarizə aparacaq.

İspaniya kuboku, 1/8 final

"Atletik" - "Osasuna" - 2:3

Qollar: Uilliams, 45+3, De Markos, 55 - Oroz, 41, Budimir, 44-pen; 70.

"Real Sosyedad" - "Rayo Valyekano" - 3:1

Qollar: Oyarzabal, 24, Olasaqasti, 45+1, Qomez, 79 - Treyo, 45+6-pen.

Qırmızı vərəqə: Espino, 77 ("Rayo Valyekano")

"Real" - "Selta" - 5:2

Qollar: Mbappe, 37, Vinisius, 48, Endrik, 108, 119, Valverde, 112 - Bamba, 83, Alonso, 90+1-pen.

aia.az