Azərbaycanın və beynəlxalq kosmetologiya sahəsinin tanınmış simalarından biri olan həkim dermato-kosmetoloq Rəna Soltanova yaradıcısı və rəhbəri olduğu LBC estetik klinikası diqqət və qayğıya ehtiyacı olan insanlara dəstək göstərir.
“Qafqazinfo” xəbər verir ki, Rəna xanım illərdir “Nur Uşaq Evi”nin daimi himayədarlarından biridir.
O, bu evə həm maddi, həm də burada yaşayan uşaqlara mənəvi dəstəyini əsirgəmir.
Növbəti dəfə “Nur Uşaq Evi”ni ziyarət edən Rəna Soltanova bildirib ki, hər bir uşaq ailədə yaşayıb, valideynlərinin qayğı və sevgisiylə böyüməlidir. Hər bir maddi imkanı olan insan bacardığı qədər ehtiyac sahiblərinə əl tutmalıdır.
