ABŞ-ın yeni seçilmiş prezidenti Donald Tramp məşhur aktyorlar Mel Gibson, Silvester Stallone və Con Voightı Hollivudun xüsusi elçiləri seçdiyini açıqlayıb.“Truth Social” sosial şəbəkəsindəki hesabından açıqlama verən Tramp Hollivudu yenidən möhtəşəm etmək üçün bu addımı atdığını bildirib.Tramp verdiyi açıqlamada Hollivudun son 4 ildə gerilədiyini iddia edərək Mel Gibson, Silvester Stallone və Jon Voightı Hollivud üçün xüsusi nümayəndə seçdiyini qeyd edib.Hollivudun son illərdə xarici ölkələrə çox şey itirdiyini qeyd edən Tramp, “Eynən ABŞ kimi Hollivudun qızıl dövrü mənim prezidentliyim dövründə yenidən olacaq” deyib.Qeyd edək ki, hər üç aktyor müxtəlif vaxtlarda açıqlamaları ilə Trampı dəstəklədiklərini bildiriblər.
