BMT-nin baş katibi Antonio Quterreş ABŞ-ın yeni seçilmiş prezidenti Donald Trampın andiçmə mərasimində iştirak etməyi planlaşdırmır. Bu barədə dünya təşkilatının rəhbərinin rəsmi nümayəndəsinin müavini Fərhan Haq jurnalistlər üçün keçirdiyi brifinqdə TASS müxbirinin sualını cavablandırarkən bildirib.
"Baş katiblərin ABŞ prezidentlərinin andiçmə mərasimində iştirak etməsi köklü praktika deyil. Əvvəllər belə olmayıb və bu dəfə də olmayacaq", - deyə o, məsələ ilə bağlı sualı cavablandırıb.
Trampın andiçmə mərasimi yanvarın 20-nə planlaşdırılıb. Tramp 2024-cü il noyabrın 5-də keçirilən prezident seçkilərində Demokratların namizədi ABŞ-ın vitse-prezidenti Kamala Harrisi məğlub edərək qalib gəldi.
Oxuməni.az
