“Milan”ın baş müşaviri Zlatan İbrahimoviç Fransa Liqa 1-in səviyyəsi ilə bağlı “Əl-Nəsr”in portuqal ulduzu Kristiano Ronaldonu cavablayıb.
Arena.az xatırladır ki, bir müddət əvvəl Ronaldo Səudiyyə Ərəbistanı Peşəkar Liqasının səviyyəsinin Fransa Liqa 1-dən yüksək olduğu haqda fikir səsləndirmişdi.
“Kriş” Fransada yalnız PSJ-nin var olduğunu, digər klubların isə bitib-tükəndiyini vurğulamışdı.
“Burada cavablayacaq bir xüsus yoxdur. Tərəflərdən birinin lehinə heç bir dəlil olmayanda hər hansı bir xüsus haqqında mübahisə edə bilməzsiniz. PSJ Avropanın ən böyük klublarından biridir və çox güclü liqada oynayır.
Bəlkə də yalnız İspaniya və İngiltərə liqaları daha yaxşı olduqlarını əminliklə deyə bilərlər. Mən Səudiyyə Ərəbistanı liqasının daha yaxşı olması ilə bağlı ehtimalı belə, cavablaya bilmirəm. Buna vaxt itirməyəcəyəm” – “Goal” dərgisi Zlatan İbrahimpviçdən sitat gətirir.
