Belarus lideri Aleksandr Lukaşenko “ekstremist” cinayətlərdə təqsirli bilinən daha 23 nəfəri əfv edib.
“AzPolitika” xəbər verir ki, onların arasında üç qadın və iyirmi kişi var: 14-ü xroniki xəstəlikdən əziyyət çəkir, 12-si uşaqlıdır. Lukaşenkonun mətbuat xidməti qeyd edib ki, onların hamısı əfv üçün ərizə yazıb, günahlarını etiraf edib və peşman olublar.
Bu, son altı ayda Belarusda səkkizinci əfvdir. Ötən il hüquq müdafiəçilərinin siyasi məhbus hesab etdiyi 207 nəfər azadlığa çıxıb. “Vesna” mərkəzinin məlumatına görə, yanvarın 18-nə Belarusda siyasi motivlərlə azadlıqdan məhrum edilmiş 1244 nəfər həbsxanada qalır. Belarusda gələn həftə, yanvarın 26-da keçiriləcək prezident seçkiləri ərəfəsində siyasi məhbusların siyahısı artmaqda davam edir.
2020-ci ilin yayından bəri hüquq müdafiəçiləri 656-sı qadın olmaqla, təxminən 3600 nəfəri siyasi məhbus kimi tanıyıb. Onların bir çoxu cəzasını tam çəkərək artıq azadlığa buraxılıb.
“AzPolitika.info”
