Bakı, TurkicWorld
ABŞ-da TikTok-un qadağasına dair müzakirələr gücləndikcə, istifadəçilər və məzmun yaradıcıları yeni alternativ platformalara yönəlməyə başlayıblar.
TurkicWorld xəbər verir ki, hazırda RedNote adlı Çin mənşəli sosial media platforması istifadəçilər arasında populyarlıq qazanıb r və xüsusilə qısa formalı video məzmunu ilə istifadəçilərin diqqətini çəkir.
RedNote, Instagram, TikTok, və Pinterest kimi platformaların funksiyalarını birləşdirərək istifadəçilərə müxtəlif növ məzmun yaratmaq və paylaşmaq imkanı verir.
Platformanın hazırda aylıq 300 milyondan çox aktiv istifadəçisi var. Bu rəqəm TikTok-un istifadəçi bazasından daha az olsa da, sürətlə artmağa davam edir.
ABŞ-da TikTok-a tətbiq olunacaq qadağa ilə bağlı qeyri-müəyyənlik səbəbindən, istifadəçilər RedNote kimi alternativ platformalara keçid etməyə başlayıblar.
Xatırladaq ki, ABŞ hökuməti TikTok-u milli təhlükəsizlikdə risk kimi dəyərləndirərək, onu ya ABŞ-ın bir şirkətinə satmağı, ya da qadağan edilməsini tələb edib.
TikTok-un məlumatların Çin hökuməti ilə paylaşılacağına dair narahatlıqları bu qərara səbəb olub. TikTok və ByteDance isə bu iddiaları rədd edir və hazırda ABŞ Ali Məhkəməsində qərarın qarşısını almağa çalışır.
ABŞ-dakı akademiklər və analitiklər, TikTok-un qadağan edilməsinin məzmun yaradıcılığı iqtisadiyyatına böyük ziyan vuracağını bildirirlər. Alabama Universitetinin dosenti Jess Maddox qeyd edir ki, TikTok yaradıcılar üçün mühüm gəlir mənbəyidir. Qadağa alternativ platformalara keçid etməyi mümkün etsə də, ciddi maliyyə itkilərinə və mübarizəyə səbəb olacaq.
