Gözlənilən transfer rəsmiləşdi

Xviça Kvaratsxeliyanın PSJ-yə gözlənilən transferi rəsmiləşib.

O, artıq Fransa klubunun oyunçusudu. PSJ-nin rəsmi saytının məlumatında gürcüstanlı futbolçu ilə müddəti 2029-cu ilin yayına kimi nəzərdə tutulan müqavilə imzalandığı bildirilib. Keçidin maliyyə tərəfi barədə məlumat verilməyib. Fransa mətbuatı 23 yaşlı vingerin transferinin PSJ-yə 70 milyon avroya başa gəldiyini qeyd edib.

2022-ci ildən “Napoli”də forma geyən Kvaratsxeliya cari mövsüm bütün turnirlərdə 19 matçda iştirak edib, 5 qol vurub və 3 məhsuldar ötürmə edib.

• Fransa
• Futbol
• Müqavilə
• Transfer
• Maliyyə
• Psj
• Gürcüstanlı
• Kvaratskhelia