Azərbaycan xalqı səhər saatlarından etibarən 20 Yanvar şəhidlərini ehtiramla yad etməyə davam edir.
"Report"un məlumatına görə, əhali Şəhidlər xiyabanına gələrək şəhid məzarları üzərinə tər qərənfillər düzür, onların əbədi xatirəsini anır.
Məlumat üçün qeyd edək ki, 1990-cı il yanvarın 19-dan 20-nə keçən gecə keçmiş Sovet İttifaqı qoşunları Bakı və Azərbaycanın bir neçə rayonuna ağır texnika yeridərək dinc əhaliyə divan tutub. Həmin gecə ümumilikdə 147 nəfər öldürülüb, 744 nəfər isə yaralanıb.
Foto: Samirə Həsənova
