Bu gün futbol üzrə İspaniya Kubokunda 2024/2025-ci illər mövsümünün 1/4 final mərhələsinin püşkatma mərasimi keçirilib.
Arena.az xəbər verir ki, bu mərhələyə vəsiqə qazanmış 8 komanda yarımfinala vəsiqə uğrunda rəqibini tanıyıb.
“Barselona” bu raundda “Valensiya”ya rəqib olub. Madrid “Real”ı isə “Leqanes”lə üz-üzə gələcək.
Bundan əlavə, 1/4 finalda “Real Sosyedad” – “Osasuna” və “Atletiko” – “Xetafe” matçları da baş tutacaq.
İspaniya Kubokunda 1/4 final qarşılaşmaları 4-6 fevral aralığında baş tutacaq. Bu oyunların dəqiq tarixləri daha sonra açıqlanacaq.
İspaniya Kuboku
1/4 final
Valensiya – Barselona
Leqanes – Real
Atletiko – Xetafe
Real Sosyedad – Osasuna
