Klubların dünya reytinqi açıqlanıb.
Sportinfo.az xəbər verir ki, İFFHS-in cədvəlində planetin 701 ən yaxşı komandası yer alıb.
2024-cü ilin yekunlarına əsasən, tərtib olunan siyahıda Azərbaycanı 7 klub təmsil edib.
“Qarabağ” 168,75 xalla dünyada 81-cidir. Ağdam klubu ötən ayla müqayisədə 14 pillə geriləyib.
99,5 xalla 208-ci olan “Zirə” 11 pillə irəliləyib.
9 pillə önə keçən “Sabah” 62,25 xalla 400-cüdür.
“Turan Tovuz” 53,75 xalla 2 addımlıq irəliləyişlə 494-cü yerdədir.
“Neftçi” 28 pillə geriləyərək 50 xalla 537-ci sıraya düşüb.
6 pillə irəliləyən “Sumqayıt” 48 xalla 567-cidir.
“Araz-Naxçıvan” 18 pillə geriləyib və 43,75 xalla 648-cidir.
Cədvələ 441 xalla “Real” başçılıq edir.
