Türkiyədə oteldə naməlum səbəbdən yanğın başlayıb.
Söz.az "haberglobal"-a istinadən xəbər verir ki, hadisə Boluda Kartalkaya Xizək Mərkəzində baş verib.
Alov qısa müddətdə oteli bürüyüb.
Hadisə yerinə şəhər mərkəzindən, rayonlardan və ətraf vilayətlərdən çox sayda xilasetmə, yanğınsöndürmə və sağlamlıq qrupları cəlb edilib.
Xilasetmə qrupları hazırda otelin qonaqlarını təxliyə etməyə çalışırlar. İlkin məlumata görə, yanğın zamanı xəsarət alanlar var.
Genişmiqyaslı yanğının söndürülməsi üçün işlər davam etdirilir.
