ABŞ-ın 47-ci prezidenti Donald Tramp prezident kimi ilk günündə qlobal ticarətə təsir edəcək qərarlarını açıqlayıb.
Daha əvvəl Meksika və Kanadanı 25 faizlik tariflərlə təhdid edən Tramp, fevralın 1-dən etibarən bu tarifləri tətbiq edəcəyini açıqlayıb.
Trump-ın ilk sərəncamlarında Çinə tariflər nəzərdə tutulmasa da, Prezident açıqlamasında Çinin Panama Kanalına təsiri və fentanil kimyəvi maddələrinin ixracındakı rolu səbəbindən Çinə tariflər tətbiq etməyi planlaşdırdığını söyləyib.
ABŞ-da sosial media tətbiqi TikTok-un satışı üçün son tarixi uzatan Tramp, Pekinin onu bloklayacağı təqdirdə yenidən tariflər tətbiq edə biləcəyini qeyd edib.
